【街頭霸王之塞爾維亞被毆記】
出來行，唔一定預左要還，況且根本無得罪人。但放心，被毆不是我，而係同行的背包客。
話說有晚出外消遣至凌晨四點多，酒吧都已經落閘，無地方可再去既情況下決定搵間漢堡包店食漢堡包。成團人三男兩女，分別來自澳洲、加拿大、香港同一個唔知來自邊度既男仔。三男食食下漢堡包期間，一位塞爾維亞人著住運動套裝，好有氣勢咁行入黎坐左係隔離張枱，其實雙方都無理到大家，突然．．．
塞爾維亞佬：「Where are you from?」
澳洲男：「I am from Australia.」
「啪～～～～～～」
塞爾維亞佬突如其來一巴車左過去澳洲男度。
「What happened? Calm down!」
「啪～～～～～～」
孔武有力既第二巴直接再車過去。
此情此境，兩女只係坐左係度目瞪口呆，完全唔知發生咩事，甚至以為第一巴掌係開個玩笑，見面禮一份。誰知唔知來自邊度既男仔見到自己朋友被毆決定上前幫口：「What happened? Calm down!」
「啪～～～～～～啪～～～～～～」
最後澳洲男總共被車左三巴，眼鏡跌埋落地，滿口都係血；而唔知來自唔知邊度既男仔都俾佢送左兩巴．．．兩女仍然呆坐中，而加拿大男就企左係度。塞爾維亞佬亦有一下衝動將成個漢堡包向我地車過黎，但最後自己咬住咁行走左．．．
事後，有兩枱目睹事發經過既塞爾維亞人不斷同我地講對唔住，話佢地係1999年俾外國人炸完後，精神上都出現問題，亦好討厭外國人。加上可能酒精影響下，想打你就打你，可能完全無理由。
唔，真係多謝哂你既解釋．．．
佩服既係，兩位被毆既主角，事後竟然無大發脾氣，澳洲男笑笑口咁講：「我咁大個人只係俾我既黑人女朋友車過，就係分手個時！」而唔知來自邊度既男仔就話：「我奉獻左我既第一次．．．」
其實佢地知道如果還手的話，可能塞爾維亞佬有槍或者有刀，甚至叫馬到，咁就大檸樂．．．
之後幾日，兩位人兄一直問我地想唔想車下佢地，真心佩服佢地既幽默感！
(攝於塞爾維亞 - Belgrade)
Blog：http://backpackersopoor.blogspot.hk/
Search